周末拍拖好去處! H先生K小姐一步步越過黑暗時刻

視力健康的我同H先生,步入周末拍拖好去處﹣完全漆黑的環境,我地憑聽覺觸覺,一步步穿過唔同場境,熟悉的都頓時變陌生, 難以想像視障人仕出門時的不便和恐懼,事後僅有3成視力的視障職員分享失明及經過時,仍發奮融入社會。

上兩星期跟H先生及朋友參加了"黑暗中對話", 感受頗深 ~


"黑暗中對話"係比我地尼D視力健康的人, 去感受視障人仕日常生活的一個活動. 我地一行八人放低所有隨身物件後, 步入了一個完全漆黑的環境. 最初還真是頗緊張, 因為眼前真的一點光都沒有, 張開眼睛跟閉上雙眼是沒有任何分別. 但幸好在職員的引領下, 我地仍能只憑聽覺及觸覺, 慢慢的一步一步穿過唔同的場境, 例如有小橋流水的公園, 正在上演生態紀錄片的小戲院及充滿著海風和海鳥叫聲的碼頭等等.

這一齊都是日常經常接觸所熟悉的事物, 但是在失去視覺的情況下, 又有種說不出的陌生同新鮮感. 亦都好能夠體會到視障人仕日常生活所面對的挑戰 - 我地在場館職員引帶下都要步步為營, 平時視障人仕出門在街上一定更加容易發生意外, 一定要更小心...

而到活動尾聲時, 跟場館裡的視障職員傾左陣計, 分享佢地失明經過同感受. 例如接待我地果位, 佢並非一出世就失明, 佢十歲左右開始視力衰退, 到現在只剩下一隻眼尚有30%左右視力. 當初佢都不能夠一下子接受漸漸失去視力的打擊, 都要用幾年時間先接受事實. 不過佢之後就發奮去融入社會. 其實我地生活都會不斷遇到唔少大大小小的困難同改變, 這些事件許多時候都會讓我地感到不安, 恐懼, 但是只要我地能夠勇敢面對, 一定可以克服得到!

H先生, 雖然我地家庭背境不同, 性格也有很大差距, 但是我相信我地只要懷著決心同互信, 一定可以克服未來的一切風風雨雨 ~

文章來源:wow.esdlife.com/space.php?uid=115983&do=blog&id=335916

Facebook留言板
您可能有興趣
客服信箱